O‘zbekistonni 27 yil boshqargan Islom Karimov 2016 yilning 2 sentyabrь kuni og‘ir xastalik sabab 78 yoshida vafot etgan edi. Bugun sana munosabati bilan xotira tadbirlari o‘tkazildi.
Uzdiplomat.uz ham Islom Karimov xotirasiga bag‘ishlangan kun munosabati bilan yurtdoshlarimiz orasida so‘rovnoma o‘tkazdi. Kimdir uni «buyuk inson» deb eslasa, boshqalari “mamlakatni oyoqqa turg‘azgan lider» deb ta’kidladi. Fikrlar xilma-xil, lekin u ko‘pchilikning xotirasida o‘chmas iz qoldirgan.
Ma’lumot uchun, Prezidentning 2017 yil 25 yanvardagi qaroriga muvofiq, Birinchi Prezident xotirasini abadiylashtirish bo‘yicha chora-tadbirlar amalga oshirilgan. Mamlakatdagi yirik mazhmualar, aeroport, shaharlardagi markaziy ko‘chalarga Islom Karimov nomi berilgan. Toshkentda Islom Karimov nomidagi ilmiy-ma’rifiy yodgorlik mazhmuasi tashkil qilinib, Samarqandda maqbara barpo etilgan edi.
Eslatib o‘tamiz, Islom Karimov 1989 yil 23 iyunda O‘zbekiston SSR kompartiyasi Markaziy qo‘mitasi Birinchi kotibi etib tayinlangan. Shundan buyon to vafot etgunga qadar O‘zbekistonni boshqardi.