Уруш давом этаётганига қарамай Украинада 100 дан ортиқ мамлакат фуқаролари ўз бизнесларини йўлга қўйишган. Улар орасида ўзбекистонликлар ҳам бор.
Уруш бошланганидан буён мамлакатда 101 давлат фуқаролари 3 мингдан ортиқ компанияга асос солган. Янги корхоналар очишга АҚШ, Туркия, Ўзбекистон ва Польша каби давлатлар фуқаролари кўпроқ қизиқмоқда.
Маълумотларга қараганда, энг кўп компания очган мамлакатлар учлигида Туркия, Ўзбекистон ва Польша етакчилик қилмоқда.
Туркия ишбилармонлари томонидан 396 та компания ёки умумий компанияларнинг 12,09 %, кейинги ўринда ўзбекистонликлар 312 та (умумий миқдорнинг 10,1 %) ва польшаликлар 224 та корхона билан 7,3% ташкил қилади.
Битта компаниянинг бир нечта эгаси бўлиши мумкин.
Хорижий мулкдорларга эга компанияларнинг деярли ярми, 1517 таси Киевда рўйхатдан ўтган. Ўзбекистон фуқароларининг 175 та корхонаси пойтахтда тадбиркорлик фаолиятини олиб боради.
Кейинги ўринда Львов вилояти — 460 та корхона: бу ерда Польшадан келган чет элликлар кўпинча жойлашадилар (105 компания). Одесса вилояти ҳам 273 та компания билан кучли учликка кирди. Бу минтақада компаниялар кўпинча Туркия фуқаролари томонидан ташкил этилган бўлиб, корхоналар сони — 99 та.