Ироқ ва Шом ислом давлатининг афғон бўлими (ИШИД-Хуросон) ўз мавқеини мустаҳкамламоқда. Бу ҳақда БМТ терроризмга қарши идораси раҳбари Владимир Воронков маълум қилган.
Воронковнинг айтишича, ИШИД – Хуросон ҳозирда ўз кучларини жалб қилиш ва имкониятларини ошириш бўйича ҳаракатларини кучайтирмоқда. Охирги олти ой ичида у ўзининг молиявий ва логистика имкониятларини Афғонистон ва Марказий Осиё диаспораларининг қўллаб-қувватлаши орқали яхшилаган.
Воронковга кўра, ИШИД ҳозир Афғонистондан ташқарида ҳам ҳужумлар уюштиришга қодир. Унинг айтишича, бундай ҳолат Европа учун ҳам ва бошқа минтақалар учун ҳам таҳдидли ҳолдир.
Шу муносабат билан Терроризмга қарши кураш бошқармаси раҳбари БМТга аъзо барча давлатларни бирлашишга ва Афғонистонни яна террорчилик базасига айланишининг олдини олишга чақирди.
Маълумот учун, ИШИД Марказий Осиё ва Россияда тақиқланган ва террорчилик фаолияти учун БМТ санкциялари остидаги ташкилотдир.