Ўзбекистон Мудофаа вазирлиги ҳарбий хизматчилари – мерганлар Туркияда ўтказилган халқаро мусобақада фахрли 1-ўринни қўлга киритди. Бу ҳақда Мудофаа вазирлиги маълум қилди.
Иккинчи ўрин Туркияга, учинчи ўрин эса Баҳрайн харбий снайперларига насиб этган.
Маълум бўлишича, лазерли масофа ўлчагичдан фойдаланмасдан ҳаракатланаётган вертолёт ва қайиқдан туриб нишонларни йўқ қилиш каби жами 12 та шартнинг 5 тасида ўзбекистонлик снайперлар рекорд натижа қайд этган.
Мусобақа сўнггида эса Ўзбекистон мадҳияси янграб, ғолиблар тақдирланган.
Маълумот учун, айни шу мусобақанинг 2022 йилги турида Ўзбекистон 12 давлат ичидан 2-ўринни эгаллаган эди.