Уларнинг икки нафари болалардир.
Тюмен вилоятининг Аромашево – Вагай трассасида содир бўлган ЙТҲда беш нафар Ўзбекистон фуқароси, жумладан, икки бола жабрланган. Бу ҳақда Tumentoday ёзмоқда.
Нашрнинг вилоят йўл полициясига таяниб маълум қилишича, ўзбекистонликлар бўлган машина Россия чегараси томон кетаётган бўлган.
“Бугун Киа автомобили Аромашево – Вагай йўлининг 18-километрида ариққа сирғалиб кетиб, ағдарилиб кетган. Уч ва беш ёшли икки бола, 30 ва 32 ёшли йўловчилар ҳамда ҳайдовчи жабрланган. Автоҳалокатда жабрланганларнинг барчаси Ўзбекистон фуқаролари бўлиб, улар Сургутдан Россия чегараси томон кетаётган бўлган”,
дейилади хабарда.
Дастлабки маълумотларга кўра, 28 ёшли ҳайдовчи ҳаракат вақтида тезликни оширган. Қўшимча сабабларга эса ойдинлик киритилмоқда.
Эслатиб ўтамиз, аввалроқ Москвадаги ёнғинда 8 киши ҳалок бўлди. Улар орасида ўзбекистонликлар ҳам борлиги ҳақида маълум қилган эдик.