Бугун, 23 май куни Ўзбекистоннинг Филиппинга тайинланган янги ўриндош элчиси Фарҳод Арзиев Президент Фердинанд Маркосга ишонч ёрлиқларини топширди. Бу ҳақда Флиппин Президенти порталида маълум қилинди.
Шунингдек, Арзиевдан ташқари Жибути, Судан, Ботсвана, Жазоир, Эстония каби яна 7 нафар норезидент элчилар ҳам ўз ёрликларни топширган.
“Сизни Филиппиндаги элчи сифатида қутлаймиз, ишончим комилки, сизнинг президентингиз ҳар икки давлат манфаатдор бўлган хавфсизлик масалалари бўйича жуда муҳим музокараларни бошлаган. Умид қиламанки, биз бу муҳокамаларни давом эттира оламиз”,
деган Президент Маркос.
Эслатиб ўтамиз, Олий Мажлис Сенатининг 2023 йилнинг 4 декабрь кунги қарорига кўра, Ўзбекистон Республикасининг Хитой Халқ Республикасидаги Фавқулодда ва Мухтор Элчиси Фарҳод Нуритдинович Арзиев ўриндошлик асосида Ўзбекистон Республикасининг Филиппин Республикасидаги Фавқулодда ва Мухтор Элчиси лавозимига тайинланган эди.