Ташқи меҳнат миграцияси агентлиги Россия ҳудудида ҳуқуқбузарликлар содир этиб, Ўзбекистонга келган фуқароларга Қозоғистонга ҳам бормасликни тавсия қилди.
Хабарга кўра, Қозоғистон ва Россия ҳукуматлари маъмурий ва жиноий ишлар бўйича қарорларни тан олиш ва ижро этишга оид икки томонлама келишувга эришган. Натижада, Қозоғистон чегара ва ички ишлар соҳасида янги тизим жорий қилинган.
Маълум бўлишича, сўнги вақтларда Россия ҳудудида ҳуқуқбузарлик содир этган Ўзбекистон фуқароларини Қозоғистон чегарасини кесиб ўтиш вақтида ҳибсга олиш ҳолатлари кузатилган.
“Россия томони ҳибсга олинган шахсларни мазкур ҳуқуқбузарликлар бўйича якуний қарор қабул қилингунига қадар жазони ижро этиш муассасаларида сақламоқда”,
дейилади хабарда.