Ўзбекистоннинг вояга етган аҳоли қатлами инглиз тилини “жуда паст” даражада билади. Бу ҳақда инглиз тилини билиш даражаси бўйича мамлакатлар рейтингини эълон қилиб борувчи “The EF English Proficiency Index” (EF EPI) 2023 йилги натижаларида ёзилган.
Унга кўра, мамлакатлар рейтинги 5 тоифадаги давлатларга ажратиб чиқилган: жуда юқори, юқори, ўртача, паст, жуда паст.
“Ўзбекистон 113 давлатлар орасида 93 – ўринни (442 балл) эгаллади. Ўзбекистоннинг 2023 – йилдаги Индексдаги ўрнини аввалги йиллар билан солиштирганда бироз пасайишни кузатиш мумкин. Жумладан бу йилги кўрсаткич 5 йил олдинги (2018 – йилда 86 – ўрин) натижа билан солиштирганда 7 поғонага, ўтган йил (2022 – йилда 89 – ўрин) билан таққослаганда 4 поғонага пастлагани кузатилган”,
дея ёзилган ҳисоботда.
Шунингдек, Ўрта Осиё давлатларидан Қирғизистон 90 – ўрин (450 балл – “паст” тоифа), Қозоғистон 104- ўрин (415 балл – “жуда паст” тоифа) ва Тожикистон 112 – ўринни (388 балл – “жуда паст” тоифа) эгаллаган бўлса, Туркманистон ушбу индексга умуман киритилмаган.
Ҳисоботда мамлакатларнинг ушбу кўрсаткич бўйича рейтингидан ташқари, бошқа иқтисодий ва ижтимоий омилларни инглиз тилини билиш ва ундан фойдаланиш даражаси билан боғловчи графиклар билан таҳлиллардан ва ҳар бир минтақа ёки қитъа таҳлилидан иборат.
Ушбу рейтинг “EF Education First”
халқаро таълим компанияси томонидан Интернетда мавжуд бўлган бепул инглиз тили тестлари орқали тўпланган хулосалар асосида тайёрланади. 2023 – йилги рейтинг ноябрь ойида эълон қилинди ва бу йилги рейтинг 113 мамлакат ва ҳудудлардаги 2,2 млн вояга етган аҳоли қисмининг юқорида таъкидлаб ўтилган тест натижалари асосида тузиб чиқилди”,
деган EF EPI.
hyperlink ef epi
Рейтингда Нидерландия, Цингапур, Австрия (“жуда юқори” тоифа) юқори учликни якунлаган бўлса, рейтингни Конго Демократик Республикаси якунлаб берган.
Шодиёр Амируллаев