Франциянинг Dassault Aviation аэрокосмик ҳарбий компанияси Ўзбекистон ва Қозоғистонга Rafale қирувчи самолётини сотиш бўйича музокаралар олиб бормоқда. Бу ҳақда ўз манбаларига таяниб, La Tribune нашри ҳабар берди.
“Агар бир кун Ўзбекистоннинг Тошкентида ёки Қозиғистоннинг Остона шаҳрида портлаш содир бўлса… Ўн йилликнинг бошида жуда имконсиз бўлиб туюлган нарса энди мумкин. Бир қанча тасдиқловчи манбаларга кўра, Dassault Aviation бир неча ойдан бери Ўзбекистон ва Қозоғистон билан фаол ҳамкорлик қилмоқда. Франция Марказий Осиёнинг бу икки давлати билан икки томонлама муносабатларни чуқурлаштиришни истайди”,.
– дейилади La Tribune мақоласида
Нашрнинг ёзишича, Эммануель Макроннинг жорий йил 1-2 ноябрь кунлари Қозоғистонга, сўнг Ўзбекистонга қилган сафарининг ҳам асл мақсади шу бўлган.
Шунингдек, нашр ўтган йили Ўзбекистон ва Қозиғистон Президентлари кетма-кет – Ўзбекистон Президенти Шавкат Мирзиёевнинг 2022 йил 21 ва 22 ноябрь куни, сўнгра Қозоғистон Республикаси Президенти Қосим-Жўмарт Тўқаев 29 ва 30 ноябрь кунлари Францияга ташриф буюрганини ҳам айнан Rafale қирувчи самольёти савдоси билан боғлаган.
“Ҳаттоки, Ўзбекистонда 24 та жанговар самолёт етказиб бериш компанияси бошланган”,
дея ёзган La Tribune.
Маълумот учун, Франциянинг Dassault Aviation компанияси томонидан ишлаб чиқариладиган Dassault Rafale тўртинчи авлод кўп мақсадли қирувчи самолётдир.
Техник хусусиятларига кўра, 1-2 кишилик экипажга эга. Узунлиги – 15,30 м, баландлиги – 5,30 м. Қанот кенглиги эса 10,90 метр, оғирлиги 9500 кг.га тенг.
Мазкур қирувчи самолёт энг юқори баландликда 2200 км/соат билан уча олади. Таркибида эса 3 та PTB, 2 та MICA ракетаси, 2 та Meteor ракетаси, 6 та LGB/PGM, 1 та Navigatsiya POD мавжуд.
Dassault Rafale қирувчисидан Афғонистондаги урушда 2007 йил март ойида биринчи жанговар фойдаланиш бўлиб ўтган. Шундан сўнг Ливиядаги урушда мазкур тоифадаги техника Ливия ҳаво ҳудудини патрул қилган ва Муаммар Қаддафийнинг қўшинлари ва ҳарбий объектларига мақсадли зарбалар берган. Шунингдек, бир қанча террористик ташкилотларга қарши курашларда ҳам Dassault Rafale қирувчисидан фаол фойдаланилган.