Бугун, 25 март куни Ўзбекистон Республикаси Бош вазири Абдулла Арипов Россия Федерацияси элчихонасига ташриф буюриб, элчи Олег Мальгинов орқали бутун Россия халқига таъзия билдирган.
Аввалроқ, Бош вазир Россия Федерацияси ҳукумати раиси Владимир Мишустинга Москва вилоятидаги «Crocus City Hall» мажмуасида содир бўлган терракт оқибатида кўплаб инсонлар ҳалок бўлгани ва оғир жароҳат олгани муносабати билан ҳамдардлик мактубини юборган эди.
Жорий йилнинг 24 март куни эса Тошкент ва Ўзбекистон митрополити Викентий, Марказий Осиё метрополитен округи раҳбари Crocus City Hall’да ҳалок бўлганлар учун литания ўтказди.
Унда Россиянинг Ўзбекистондаги Фавқулодда ва Мухтор элчиси Олег Мальгинов ҳам иштирок этган.