Ўзбекистон Ташқи меҳнат миграцияси агентлиги Жанубий Кореяда ноқонуний (нолегал) бўлиб турган ватандошларни 2024 йил 29 февралгача ушбу давлатдан чиқиб кетишга чақирди.
Агентликка кўра, ноқонуний бўлиб турган фуқаро ўз хоҳиши билан чиқиб кетса, депортация қилинмайди ва келгусида Кореяга қайтиш имкониятига эга бўлади.
Яъни ҳозирда Жанубий Кореяда ноқонуний (нолегал) бўлиб турган ўзбекистонликлар учун 2024 йил 29 февралгача ушбу давлатдан чиқиб кетиш имконияти яратилган. Бунинг учун чиқиб кетишдан 3 иш куни олдин Иммиграция хизматига бориб, кетиш тўғрисида ихтиёрий ариза тўлдириш, паспорт ва авиачипта тақдим этиш зарур.
Шундан сўнг Иммиграция хизмати махсус тасдиқнома беради ва шу орқали ватанга муаммосиз қайтиб келиши мумкун бўлади.
Аввалроқ, Жанубий Корея 100 минг нафар ўзбекистонлик учун иш таклиф қилгани ҳаиқда хабар берилганди.