Беларус президентига кўра, ҳозир унинг лавозимидан кетиши хиёнат билан баробар…
Беларус президенти Александр Лукашенко 2025 йилда бўлиб ўтадиган президентлик сайловларида иштирок этишини маълум қилди, деб хабар берди РИА Новости.
“Уларга (мухолифат) айтинг, мен бораман. Вазият қанчалик оғир бўлса, улар жамиятимизни қанчалик фаол қўзғатишса, сизни, мени ва жамиятни қанчалик зўрлаштирса, мен бу сайловларга шунчалик тез бораман«, — деган Беларус раҳбари журналистлар билан суҳбатда.
Лукашенкога кўра, ҳозир шундай бир вазиятки, унинг лавозимидан кетиши хиёнат билан баробар бўлади. Шунинг билан у бу қарори кўпчиликка ёқмаслигини тан олган, чунки у ўзи қабул қилган келишув ва қарорларнинг бажарилишини қатъий талаб қилади.
«Агар улар амалга оширилмаса, ҳокимиятнинг бутун тузилмаси бузилади ва жамият ғарқ бўлади. Ҳа, мен буни тушунаман», — дея таъкидлаган Александр Лукашенко.
Шунингдек, Беларус нашрлари Лукашенконинг мамлакатдаги сайловлар ҳақидаги сўзларидан иқтибос келтирмоқда.
Беларус президенти депутатлар сайловида овоз беришда иштирок этар экан, дунёнинг ҳеч бир давлатида Беларусдагидек очиқ ва адолатли сайловлар йўқлигини айтган.
«Дунёнинг ҳеч бир жойида Беларусдагидек очиқ, адолатли, принципиал сайловлар ўтказилмаган. Бу — биз учун байрам. Ҳар доим шундай бўлган. Биз самимий, ҳалол сиёсат ва айнан шундай сайловлар олиб боряпмиз», — деган 30 йилдан буён ҳокимият тепасида ўтирган ва еттинчи марта сайланишга ҳозирлик кўраётган Лукашенко.