Тожикистонда «миллий маданиятга ёт» кийимларни, ҳижоб ва бурқа кийишни тақиқловчи қонун имзоланди. Бу ҳақда Президент матбуот хизмати маълум қилди.
Қайд этилишича, Тожикистон Президенти Эмомали Раҳмон «миллий маданиятга ёт» кийимларни кийишни тақиқловчи «тантаналар ва маросимлар тўғрисида»ги қонунни имзолаган.
Конун имзолашдан олдин жамоат жойларида соқол қўймаслик, ҳижоб ўрамаслик ҳақида оғзаки огоҳлантирилган.
Аммо шу пайтгача «миллий маданиятга ёт» бўлган кийимлар рўйхати эълон қилинмаган.
Аввалроқ мазкур қонун лойиҳасини Тожикистон Президенти парламентга тақдим этган, сўнг парламентнинг қуйи палата депутатлари уни қабул қилган. 19 июнь куни эса ушбу қонун лойиҳаси маъқуллаган.
Шунингдек, қонунга риоя қилмаган фуқароларга 7920 сомоний ёки амалдаги курс бўйича 733 АҚШ доллари миқдорида жаримага тортилиши белгиланган. Агар мансабдор шахслар унга риоя қилмаса 39600 сомоний ёки 3668 доллар миқдорида жаримага тортилиши айтилган.