Ўзбекистондаги мавжуд 5 та партия аъзоларининг умумий сони 4 миллион 835 минг 716 тани ташкил этади. Бу умумий аҳоли сонининг 7/1 улушини эгаллайди. Ўзбекистонда ҳар 7 та кишидан биттаси партияга аъзо эканини билдиради.
Ўзбекистонда партия аъзолари 37 миллион аҳолига нисбатан озчиликни ташкил қилмайдими?
Ушбу савол билан Uzdiplomat.uz мухбири партия матбуот котибларига юзланди.
Ўзбекистон Либерал Демократик Партияси матбуот котиби: «Балоғатга етмаган болалар партияга аъзо бўла олмайди. Органда ишлайдиганларнинг тартиблари бор уларнинг партияга аъзо бўлиши мумкин эмас. Лекин умумий ҳисобда биз учун ҳақиқатдан ҳам аъзолар сонини оз деб биламиз. Партиямиз дастлаб ташкил қилинганда тадбиркорлар, фермерлар қизиқиш билдирган партияни номидан келиб чиқиб, кейинчалик фаоллар билан ишлайдиган тизимга тушиб олди шуни ҳисобига аъзоларимиз кескин ошиб борди ҳозир 1 миллион 700 минг нафарга етиб боряпти. Ҳозир сайлов жараёнлари яқин яна сайловчилар орасига кириб бориб бошқа соҳа вакиллари билан олиб борилаётган тарғиботлар натижасида аъзолар сонини кескин ошириш катта мақсад қилиб қўйилган»,—дейди ЎзЛиДеП матбуот котиби.
Ўзбекистон Экологик Партияси матбуот котиби аъзолар сони камлигини нисбатан янги партия эканлиги билан изоҳлади.
«Биз ёш партия, ташкил топганига энди 5 йил бўлган»,—дейди партия ахборот хизмати вакили.
Халқ Демократик Партияси матбуот котиби “аъзолар кам”, деган ёндошувимизга қўшилмаслигини билдирди.
“Сиёсатга қизиқадиганлар бор қизиқмайдиганлар бор, партияга аъзо бўлиш мажбурий эмас. Шунинг учун партия аъзоларини аҳолига нисбат бериб, кам деб бўлмайди»,—деди партия матбуот хизмати вакили.
«Миллий тикланиш» Демократик Партияси матбуот хизмати вакили Умида Рахмонова “кам”, деган ёндошувимизни оқламади.
«Кам эмас, биз бошқаларга ўхшаб бўрттириб кўрсатмаймиз борини бор қилиб кўрсатамиз, сохта рақам ортидан қувмаймиз. Камига аъзолик бадали ҳам бор, шунинг учун аъзолик муаммо ҳаммада»— дея жавоб берди Умида Рахмонова.
«Адолат» Социал Демократик Партияси матбуот котиблиги саволга шундай изоҳ берди.
Умуман олганда, ўтган даврда партия аъзолари сони кескин ўсаётганини кўриш мумкин. Масалан, 2020 йилдан 2024 йилгача партия аъзолари сони 414 мингдан
1 100 000 нафардан ошиб бормоқда, бу эса 2,5 баробардан ортиқ ўсишни кўрсатади. Бу партиянинг ўтган даврдаги самарали фаолиятининг натижаси дейиш мумкин.
Қонун устувор бўлган адолатли жамиятни қуришда мамлакатимиз сиёсий ҳаётида фаол иштирок этишни истаган ҳар бир юртдошимиз партиямизга аъзо бўлиши мумкин.