- «Ҳамма ўқитувчи бирданига бир хил мукофот олиши имконияти йўқ» деди Фарҳод Боқиев.
- Ўқитувчиларга ойликлари минг доллардан ортиши бўйича ваъда берилганига ҳам кўп муддат бўлди. Статистика агентлиги маълумотларига кўра эса ҳануз таълим соҳаси ходимлари энг кам ойлик олувчилар сафида турибди. Бугун неча нафар ўқитувчилар минг доллардан ойлик олаяпти? Ўқитувчилар ойлигини ошириш бўйича янги таклифлар киритилаяптими?
Uzdiplomat.uz мухбирининг ушбу саволига жавоб берган Хилола Умарова сўнгги уч йилда ўқитувчилар ойлиги сезиларли ошганини қайд этар экан, айнан қайси ўқитувчилар юқори маош олишини айтиб ўтди.
«Яқинда тоифа синовлари бўлиб ўтганидан хабарингиз бор ва тоифадан ўтган устозларимиз учун умуман тоифалар фарқлари орасидаги қўшимча маблағларни, ойлик маошларини кўтариш тўғрисида ҳам Президентимиз топшириқлари бўлди. Ҳозир 1000$ дан ортиқ маош олаётган устозларимиз ҳам бор. Агар устозлар ўзи ҳар бир йўналиш бўйича талаблар деймизми ёки ҳар бир соҳани ўзини КПИлари бор. Агар тоифаси бор бўлса, ойлигига қўшимча маблағ қўшилади. Шу билан биргаликда, узоқ ҳудудларга борса, 100% устама қўшилади. Олимпиадага ўқувчилар чиқарган бўлса, унга ҳам қўшимча устама олади. Сертификатга ҳам қўшимча устама берилганига йилдан-йилга халқаро сертификатларга эга бўлган устозларимиз сафи кўпаймоқда. Бир нарсани айтишимиз керак, вазир жамғармаси тизими 2 йил давомида (олдинлари бўлмаган) амал қилмоқда. Ушбу тизимдан имтиҳонлардан шаффоф ўтган устозларимизга ҳар ойликка 5 млн қўшимча маблағ қўшилади. Бунга ҳеч қандай чеклов қўйилмаган. 1000 та устоз 2000 та устоз олиши керак, деб.
Ҳозирги кунда 6000 мингдан зиёд устозларимиз 1000$ дан зиёд ойлик маош олишмоқда.
Шунингдек, 7 млн, 8 млн олаётган устозларимиз ҳам бор. Кундан-кунга ойликларимиз ошиб бормоқда. Яна устозларимизга қўшимча рағбат ва устамалар тақдим қилиш бўйича ишлаяпмиз. Айтиш керакки, юқорида 500 та баҳолаш тизими ва янги методикага ўтган мактабларимиз ҳам бутун жамоаси билан 100% устама олиш имконияти яратилди», деди Мактабгача ва мактаб таълими вазири Ҳилола Умарова.
Унга қўшимча маълумот берган Мактабгача ва мактаб таълими вазири ўринбосари Фарҳод Боқиев эса барча ҳам минг доллардан ортиқ ойлик олмаслиги ва муносиблар рағбатлантирилиши кераклигини қайд этди.
Буни тўғри тушуниш керак. 2016 йил 1 августдаги ҳолатига агар қарайдиган бўлсак, 1 млн 639 минг олган ўқитувчи, ҳозир бу рақам 3-4 баробар ортди. Энг катта бюджетга эга деб сизлар таҳлил қиласизлар тизимни. 46,6 трлн давлат бюджети йўналтирилса шундан 39 трлн яъни 84 % иш ҳақи ойлик мукофотларга ажратилади. Бу 545 мингга яқин ўқитувчини ва 100 мингдан ортиқ тарбиячи маоши. Мен ҳозир фақат педагоглар ҳақида гапиряпман. Техник ходимлар ҳам бор. Уларни узлуксиз иш ҳақи билан тўлаш учун бу маблағ. Давлат ўша мактаб ва мактабгача бўлган ташкилотлар педагогларини ойлигини тўлаш учун бир ойда 3,5 трлн ҳаражатни амалга оширади. Битта нарсани инобатга олинглар, аччиқ бўлса ҳам тўғриси балким кўпчиликка ёқмас бу гап, педагогларга 433 минг ўрин ажратилган бўлса унда 734 минг педагог ишлаб келмоқда. Уларни орасида ўрта махсус ҳам ишлаб келади, нафақада бўлганлар ҳам ишлаб келади. Яъни ўша соатидан келиб чиққан ҳолда кимдир 2 млн ойлик олади, кимдир кўп. Шу томонини ҳам инобатга олиш керак. Лекин ҳамма бирдек 1000$ ойлик олади деган нарса утопия, деди у.