Ҳиндистон Бош вазири Нарендра Моди Зеленский таклифига бинoан Украинага ташриф буюрди. Оқ уй Модининг таширифи «фойдали бўлиши мумкинлигини» ёзмоқда. Бу ҳақида «The Times Of India» нашри хабар берди.
Бугун, 23 август куни Ҳиндистон Бош вазири Нарендра Моди Украина Президенти Владимир Зеленский таклифига биноан Киевга ташриф буюрди.
«The Times Of India» нашрининг ёзишича, ушбу тарихий учрашувда Россия ва Украина ўртасида икки ярим йилдан ортиқ вақт давом этаётган урушга тинч йўл билан ечим топиш масаласи муҳокама қилиниши кутилмоқда.
«Ҳеч қандай муаммони жанг майдонида ҳал қилиб бўлмайди. Ҳиндистон тинчлик ва барқарорликни имкон қадар тезроқ тиклаш учун мулоқот дипломатиясини қўллаб-қувватлайди», — деган Бош вазир Нарендра Моди.
Бош вазирнинг Киевга ташрифини Оқ уй Россия Украина можаросини якунлаш учун фойдали бўлиши мумкинлигини айтмоқда.
«Агар Модининг Украинага сафари бизни президент Зеленскийнинг адолатли тинчликка эришиш ҳақидаги қарашларига мос келадиган можарога чек қўйишга эриша олса, унда бу фойдали бўлади деб ўйлаймиз», — деган АҚШ Миллий хавфсизлик кенгаши матбуот котиби Жон Криб.
Бундан ташқари Моди Украинада ҳинд тилини ўрганаётган украиналик талабaлар билан ҳам кўришган.
«Бу Украина учун жуда муҳим учрашув ва бу учрашувдан сўнг Ҳиндистон ва Украина ўртасида яхши муносабатлар мавжудлиги исботланади…Ва Шунингдек, келажакда ҳинд тилини ўрганадиганлар кўпайиб боришига умид қиламиз…», — деган талабалардан бир.
Маълумот учун, Украина ва Ҳиндистон дипломатик муносабатлари ўрнатилгандан буён 30 йил ичида Ҳиндистон Бош вазирининг Украинага илк ташрифи ҳисобланади.
Эслатиб ўтамиз, Киев томони Бош вазир Модининг Россияга сафари чоғида Президент Владимир Путин билан қучоқлашганидан кейин содир бўлган танқидлардан сўнг Украинага ташрифи таклиф этилган. Шунингдек, Украина ва Полшага ташриф Бош вазир Модининг Москва билан узоқ йиллик алоқаларини йўлга қўйиш ва Ғарб давлатлари билан яқинроқ муносабатларни ривожлантиришга уринишдан далолат бериши ҳақида маълум қилган эдик.