Япония Бош вазири Кисида Ўзбекистонга бўладиган ташрифини бекор қилди. Бу ҳақда Бош вазир матбуот анжуманида хабар қилган.
Қарор пайшанба куни Миязаки префектурасида рўй берган кучли зилзиладан сўнг қабул қилинди, бунинг натижасида Япония метеорология агентлиги Нанкай тубидаги зилзила ҳақида қўшимча маълумот беришга мажбур бўлди.
«8-куни кечаси Бош вазирнинг расмий қароргоҳида журналистлар билан суҳбатда бўлганда режалаштирилганидек хорижга жўнаб кетиш ёки йўқлигини бош вазирдан сўраганда «Нанкай тубидаги зилзила тизими бўйича маълумотларни йиғиб керакли қарорларни қабул қилишини билдирган», — дейилган хабарда.
Бош вазир 9 август куни эрталаб Нагасаки шаҳрига атом бомбаси портлаган куни тинчлик ёдгорлик маросимида қатнашиш учун ташриф буюрди.Ўша куни тушдан кейин Бош вазир Нагасаки аэропортидан ҳукумат самолётида Қозоғистонга йўл олиши керак бўлган.
« Япония ва Марказий Осиёнинг бешта давлати ўртасида бўлиб ўтган биринчи саммитда иштирок этишни режалаштиргандим», — деган Япония Бош вазири Фумио Кисида.
Маълумот учун, Фумио Кисида Марказий Осиё президентлари саммитида Каспий транспорт йўлаги билан боғлаш чоралари муҳокама қилишини айтган эди.
Куни кеча, Россия Ташқи ишлар вазирлиги матбуот котиби Мария Заҳарованинг расмий баёнотида бош вазирнинг ташрифи иқтисодий манфаатлар эмас, АҚШнинг қистови турганини айтган. Япония Марказий Осиё Ғарбнинг «Россия ва Хитойга» қарши бўлган ғояларига «оғдирмоқчи» деган эди.