Ушбу лойиҳа Хитой Халқ Республикаси Раиси Си Цзиньпин ва Ўзбекистон Президенти Шавкат Мирзиёев томонидан қўллаб қувватланади.
Бу ҳақида Хитой-Ўзбекистон ишбилармон доиралари иштирокида ўтган анжуман давомида Ўзбекистон спорт вазири Адҳам Икромов айтиб ўтди, деб хабар бермоқда uzdiplomat.uz мухбири.
Ўтган йили Хитойнинг Ханчжоу шаҳрида бўлганимизда, мен жамоам билан ДАФE компаниясининг штаб-квартирасига ташриф буюриш шарафига муяссар бўлгандик. Бугун эса бу компания шу ерда ва биз улар билан ҳамкорлик дастурларини амалга ошириш, йирик спорт тадбирларини биргаликда ташкил этишни режалаштираяпмиз. Тошкентда қуриладиган «Олимпик Сити» лойиҳаси мамлакатларимиз раҳбарлари томонидан қўллаб-қувватланаётган йирик лойиҳалардан бири. Унга кўра 300 миллион долларлик шаҳарча қурилади. Бу ерда биз Ханчжоудан кейин яъни, 2025 йилнинг сентябрь ойида Тошкентда Осиёнинг энг йирик тадбири – Ёшлар ўртасидаги Осиё ўйинларини ўтказамиз, деди у.
Адҳам Икромовга кўра энг сўнги технологиялар асосида эшитиш нуқсони бор болаларни даволайдиган имплантлар ишлаб чиқарадиган Нуратрон компанияси билан имзоланган шартномага биноан, Ўзбекистонга ҳам қурилмалар етказиб берилади. Шунингдек Ўзбекистонлик шифокорлар Хитойда тажриба орттиради.